UNM hlýtur heiðursverðlaun Norræna Tónskáldaráðsins

Við erum ákaflega stolt að greina frá því að UNM hefur hlotið heiðursverðlaun Norræna tónskáldaráðsins. Verðlaunin voru veitt á lokatónleikum Norrænna músíkdaga í Bodø 16. nóvember síðastliðinn af Bent Sørensen, formanni ráðsins. Frej Wedlund, sem nýlega lét af störfum sem formaður sænsku nefndarinnar eftir vel heppnaða hátíð í Piteå, veitti verðlaununum viðtöku fyrir hönd aðstandenda UNM.

Verðlaunin hlýtur UNM fyrir að standa fyrir mikilvægu uppbyggingarstarfi í norrænu samtímatónlistarlífi með því að styðja við ferla ungra tónskálda við upphaf starfsferla sinna, allt frá stofnun árið 1946.

Verðlaunaféð verður nýtt til sameiginlegra verkefna UNM deildanna – bæði til að standa straum af kostnaði við rekstur hátíðarinnar en einnig til að ýta úr vör verkefni sem lýtur að heimildasöfnun og rannsóknum á sögu hátíðarinnar og uppbyggingu sameiginlegrar vefsíðu og gagnagrunns.

Við sem nú sitjum í skipulagsnefnd Íslands viljum óska öllum fyrrverandi nefndarmeðlimum og þátttakendum í starfinu síðust áratugi kærlega til hamingju með viðurkenninguna. Sér í lagi viljum við minnast á þau ykkar sem komið hafa að skipulagi og framkvæmd hátíðanna á Íslandi frá árinu 1977. Þessi viðurkenning er óeigingjörnu starfi ykkar allra að þakka.


Featured Posts
Recent Posts
Archive
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square
  • Instagram - White Circle
  • Twitter - White Circle
  • White Facebook Icon